將軍澳 - MONTEREY

現代簡約型格

地點：將軍澳MONTEREY
面積：522呎
風格：現代簡約型格
簡介：户主係90後年青人，喜歡簡約型格既風格但又希望有家的舒適感，而設計師係用色同物料上採用淺木色加上黑色做主色形造舒服型格既居住環境。户主希望盡量保留新樓原有布局及裝修，因此係設計上都需要顧及單位原有地板及門等顏色。 原有布局係兩房兩廳一雜物房，戶主暫時部分時間都係自己一人居住，但部分時間都會有家人暫住數天，所以依舊設計成兩間房，係主人房上做上5尺雙人床，為節省空間把床騎入部分窗台，另外係床既右邊做左一個床頭櫃方便擺放手機等用品，床頭櫃接住一個可以延伸既大書檯，方便户主係書檯上擺放文件飾物等同時又可以拉出書檯方便使用手提電腦工作，係書檯右邊有一個L形到頂大衣櫃，足足有3米高，儲物量極高，女朋友有再多衣物都冇問題，加上櫃內有自動感應燈，方便日常搵到自己喜愛既衣物及飾物。 係客房方面，用色上有小許改動，用上比較高貴的木色黎形造成熟的空間感覺，切合户主家人的喜好。客房做左一個4尺床及C字形衣櫃，用盡整間房間空間，C字位利用高樓底優勢，加高床頭櫃位，減低上落床被高櫃影成既壓迫感同時亦可以用作擺放飾物。 客廳方面做左一幅特色電視牆加一組電視櫃，而係sofa兩旁做左兩組矮櫃，方便户主擺放日常用品，整個客飯廳做左燈槽及射燈，用意將整個客飯廳的橫樑的尷尬位隱藏之外亦都増加屋內的層次感，而且不同既燈效可以為户主帶黎更多不同選擇。 飯廳位置擺放左原木色餐檯，後面安裝左一組飾物櫃，飾櫃可以擺放大量鞋同雜物，而中間位置可以擺放藝術品。大門位置都設計左一個位置可以安放出門常用物品。最後係雜物房中加設層板增加儲物用途，一間舒服型格又切合戶主需要既單位就完成啦！